جواب:
معجزہ سیدنا علی و سیدہ فاطمہ رضی اللہ عنھما، دس بیبیوں کا معجزہ، ختمِ مشکل کشاء، دس بیبیوں کی کہانی وغیرہ سب من گھڑت کہانیاں ہیں۔ ایسی تمام کتابیں یا رسالے بے بنیاد، بلاجواز اور جھوٹ کا پلندہ ہیں۔
مذکورہ بالا پاکیزہ ہستیوں اور دیگر قابلِ قدر شخصیات کے بارے میں اس طرح کی من گھڑت باتیں کرنا درست نہیں۔ ہمیں ایسے تمام جلیل القدر بزرگوں کو خراجِ تحسین پیش کرنا چاہیے، اور تلاوتِ کلامِ مجید یا نیک اعمال کا ثواب ان کے حضور پیش کرنا چاہیے۔ من گھڑت اور جھوٹی کہانیاں ان کی طرف منسوب کرنے کی بجائے احادیث میں جو ان کے مناقب بیان ہوئے ہیں ، ان کا تذکرہ کیا جائے۔
واللہ و رسولہ اعلم بالصواب۔
یہ فتویٰ جامعہ اسلامیہ منہاج القرآن کے مستند علمائے کرام نے شیخ الاسلام ڈاکٹر محمد طاہر القادری کی نگرانی میں جاری کیا ہے۔ تمام فتاویٰ کو قرآن و سنت کی روشنی میں تحقیق و تنقیح کے بعد جاری کیا جاتا ہے تاکہ اسلامی تعلیمات کی سچی اور قابلِ اعتماد رہنمائی عوام تک پہنچ سکے۔
دارالافتاء منہاج القرآن
365 ایم، ماڈل ٹاؤن لاہور
فون : 140-140-111 (42) 92+
