سوال نمبر:332
ایسی کون سی چیزیں ہیں جو وضو کے مکروہ ہونے کا سبب بنتی ہیں؟

• تاریخ اشاعت: 26 جنوری 2011ء

زمرہ: وضوء  |  طہارت

جواب:

درج ذیل امور کی بناء پر وضو مکروہ ہو جاتا ہے :

1. کلی کے لیے بائیں ہاتھ سے منہ میں پانی ڈالنا۔
2. عذر کے بغیر ایک ہاتھ سے منہ دھونا۔
3. منہ دھوتے وقت زور سے منہ پر چھینٹے مارنا۔
4. وضو کرتے وقت پانی کو ضرورت سے کم استعمال کرنا۔
5. وضو کرتے وقت پانی کو ضرورت سے زیادہ استعمال کرنا۔
6. وضو کرتے ہوئے دنیاوی گفتگو کرنا۔
7. گلے کا مسح کرنا۔
8. ناپاک جگہ پر وضو کا پانی گرانا۔
9. عورت کے غسل یا وضو کے بچے ہوئے پانی سے وضو کرنا۔
10. وضو کے پانی کے قطرے وضو کے برتن میں ٹپکانا۔
11. ہر سنت کا ترک مکروہ ہے۔

واللہ و رسولہ اعلم بالصواب۔

پرنٹ کریں