سوال نمبر:3558
السلام علیکم! میں نے خواب میں سانپوں کا ہجوم دیکھا، بہت زیادہ تعداد میں سانپ تھے۔ کچھ سانپ گٹھوں کی صورت میں تھے۔ میں ان سانپوں سے بچتا بچاتا نکل جاتا ہوں۔ تھوڑا آگے جاتا ہوں تو ایک سانپ مجھے ڈس لیتا ہے۔ مجھے بتایا جاتا ہے کہ یہ بلیک کوبرا ہے جس کے کاٹنے سے بندہ کچھ دیر بعد مر جاتا ہے۔ ڈسنے کے کچھ دیر بعد تک تو میری حالت ٹھیک رہتی ہے۔ لیکن بعد میں میری حالت غیر ہونے لگ جاتی ہے۔ میں انتظار میں ہوتا ہوں کہ کوئی مجھے آ کر اس کے تریاق کا ٹیکا لگائے۔ اسی اثنا میں ایک بندہ انجکشن لے کر آ جاتا ہے اور مجھے لگا دیتا ہے۔ تھوڑی دیر بعد میں سنبھل جاتا ہوں۔
براہ مہربانی اس کی تعبیر بتا دیں۔ میں اس بارے میں بہت پریشان ہوں۔
- سائل: محمد فاروق ساجدمقام: چنیوٹ
- تاریخ اشاعت: 26 مارچ 2015ء
جواب:
مذکورہ بالا خواب کی تعبیر یہ ہے کہ صاحبِ خواب کو مستقبل میں دشمن کی طرف سے نقصان
کا اندیشہ ہے۔ لہٰذا آپ محتاط رہیں، اور حسبِ توفیق صدقہ و خیرات کریں۔
واللہ و رسولہ اعلم بالصواب۔
✍️ مفتی تعارف
یہ فتویٰ جامعہ اسلامیہ منہاج القرآن کے مستند علمائے کرام نے
شیخ الاسلام ڈاکٹر محمد طاہر القادری کی نگرانی میں جاری کیا ہے۔ تمام فتاویٰ کو قرآن و سنت کی روشنی میں تحقیق و تنقیح کے بعد جاری کیا جاتا ہے تاکہ اسلامی تعلیمات کی سچی اور قابلِ اعتماد رہنمائی عوام تک پہنچ سکے۔
